T. Brownout

Summer, 1993:

“Nyaay!  Bran awt nanaman!  (sabay kambiyo).”  Gabi-gabi no’n ay brownout.  Black out daw ang tawag kung sobrang tagal at sobrang laki ng sakop ng perwisyo.  Para sa batang kalyeng katulad ko, walang pinagkaiba yun.  Nakaka-iritang isipin na tumutulo ang iyong pawis at walang elektrik fan na sasagip sayo.

Bagama’t nakakaperwisyong tunay ang ganitong sitwasyon ay meron pa ding mga masasarap na ala-ala ang brownout days.  Ating alamin (by Jerry Geronimo):

1. Dahil sa brownout ay natutunan kong pwede palang idaan ang iyong daliri sa apoy ng kandila nang hindi ka napapaso.  Pwede mo itong ipampasikat sa inyong mga batang pamangkin.  Siguraduhin mo lang na naka-ready ang mga timba, tubig at ang mga kapitbahay nyo para sa sunog na parating.

Uncle Tem-i: “O-ha…O…O-ha…galeng no…”

2. Dahil sa brownout ay muling nagbalik ang mga masarap na laro sa dilim tulad ng taguan, cops and robbers at shempre pa ang bahay-bahayan sa gabi…hmmm…(figurative meaning ng “maglaro ng apoy”).

3. Ang hirap matulog pag brownout!  Mas bwiset pa ito kesa sa Pritos Ring na hindi magkasya sa daliri!!!  Balat-kalabaw kasi ako kaya pag walang elektrikpan eh unti-unti na akong natutunaw sa init at nagpapanic na ako.  Pero huwag mag-alala!  Eto ang teknik ko diyan.  Habang nakahiga ka sa kama ay ilagay mo ang iyong isang kamay sa ilalim ng unan mo dahil sigurado ay meron itong lamig!  Kapag nawala na ang lamig nito ay baligtarin mo lang ang unan at tadaan!  Presko na ulit sa kamay!

4. Generator – Mas malakas pa ang status symbol na ito kesa sa pekeng Lacoste.  Sa  bawat pitumpung madidilim na bahay ay mayroong isang maliwanag na bahay na naka-generator.  Vrrrrrrrrrrrrr…pugak..pugak…vrrrrrr!!!  Sabi ni Bagoong (skwater kong katropa), “Tangina nyo!  Aakyatin ko kayo!” Hehehe…Ginawa nga niya pagkatapos ng isang linggo.

5.  Lamok.  Ang panahon na ito ay ang panahon ng piyesta ng mga lamok na ‘yan.  Halos maligo ako ng Caladryl tuwing brownout dahil andami kong kagat ng lamok.

Kayo?  Ano pang mga memories nyo ng brownout?

-Tem-i


Sonic boom! Haduken! “O ako sunod na titira ha. Matalo palit.”. Sonic boom! Hadu…………………”Pucha bran awt na naman hindi na ko umabot! Badtrip talaga meralco!”. Kuhanan na ng kanya-kanyang tsinelas at takbuhan na palabas ng bahay.  Hasel talaga ang brownout pero syempre hindi magpapatalo ang mga batang kalye at makakapag-isip pa rin ng pangontra sa hasel nito. Eto ang mga yun:

a) Ang paglalaro ng taguan – Magdasal ka na na sana hindi ikaw ang maging taya sa pompyang niyo. Dahil kapag nataya ka, malamang burot ka na. Sa dilim ba naman ng paligid kapag brownout e malamang malulusutan ka palagi at makakapag-base sila. “Boom pipoy! Save!” sabay takbo pa rin ang na-boom mo at magseseyb pa rin. “Hindi ako si pipoy si eyong ako haha”. Sa sobrang dilim e nagkakamali ka pa kaya wala kang pag-asang makataya. Kelangan mong mag-isip ng ibang gawin na lang na masaya rin para makaalis ka sa pagiging burot. Ang isang istayl e mag-aya ka na lang ng…

b) Kwentuhang nakakatakot – Dito bangka ang mga lider o kaya ang pinakamatanda sa grupo. Uupo kayo ng pabilog at magsisimula na ang kwento. Habang tumatagal ang kwento e unti-unti na rin kayong nagsisiksikan at natatakot na. “Nung pagtingin ko sa likod ko ay bigla kong may nakitang…..multooo!!!”. Yan palagi ang nagiging ending ng kwento. Dahan-dahan sasabihin ang linya tapos manggugulat sa huli. Yan ang palaging istayl sa pagkwento ng nakakatakot at epektib naman saming mga bata dahil nagugulat talaga kami.

c) Paglalaro sa kandila – Kanya-kanyang pagdaan ng daliri sa apoy yan. Ang labanan na lang dyan e kanino yung pinakaslo-mo ang pagdaan sa apoy ng daliri. Syempre ang mga lider e titiisin talaga ang init para sila ang may pinakamabagal na pagdaan ng daliri. Tinatanggal ko rin ang mga natuyong wax ng kandila na tumulo sa gilid. Pambato ko rin sa mukha ni emong yun.

Hindi lang rin naman mga batang kalye ang lumalabas. Special mention rin ang mga nanay. Pagkakataon nila ito para ma-update sila sa mga bagong tsismis sa lugar. Parang CNN na naman sila sa mga tsismis at balitang pinaguusapan nila. Kahit sa kabilang baranggay e alam nila ang nangyayari. Sino ang naghiwalay na mag-asawa, sino ang naputulan ng kuryente, sino ang drug addict, sino ang maraming utang at kung anu-ano pa. Walang makakalusot sa tsismisan ng mga nanay.

Yan ang mga pangyayaring nagaganap sa amin kapag walang ilaw. Hindi pala walang ilaw, walang kuryente. Hindi rin pala, wala palang power. Pakyu basta bran awt!

-Tikboy


Regal Presents na!  Nakahanda na ang Pritos Ring ko at nakalagay na sa bawat daliri ng kamay ko.  Automatic ko ‘yung kakainin habang nakasalukbaba sa kakanood ng isa sa mga paborito kong palabas sa TV.

“Ay anak ng animal!”  sambit ng aking magaling na tatay.  Ika-21 sunod na gabi na niya ‘yang sinasabi (araw-araw na-s-surprise e noh?).

Lintik na brownout bran awt.  Wala nanamang ilaw.  Mainit nanaman.  Matagal na hintayan nanaman bago ko ulit maramdaman ang ihip ng hanging nagmumula sa aming lumang electric fan.

Grade 2 ako noon.  Gabi-gabi nalang namamatayan ng ilaw ang Kamaynilaan at paulit-ulit kong nararamdaman ang pagkapikon.  Pa’no ko mapapanood ang Baywatch?  Talagang hindi pinroblema ang pag-aaral sa gabi eh.

Tatambad sa akin ang pintuan ng bahay namin, tila nag-iimbita nang lumabas.  Maya-maya, nasa tapat na ng bahay namin ang dalawa kong paa.  Maglalabas na ng mahabang silya ang kapitbahay at unti-unti nang mag-a-assemble ang mga bata’t matanda upang magkuwentuhan.  Ayos!

Iba ang dating ng mga ordinaryong kwento kapag ikinukuwento ang mga ito tuwing brownout.  Parang mas lumalakas ang imahinasyon ko.  Syempre hindi mawawala ang mga takutan.  At hindi rin nawawala ang mga nagpapanggap na hindi sila takot.

Isa sa mga kinahiligan ko noon e ‘yung pagpasok namin sa mga ginagawang bahay.  Halos parati nga akong nasusugatan e, kakasabit ng binti ko sa mga bakal-bakal kapag sinumpong ako ng takot.  Perfect hideout din ito kapag nagtataguan kame.  Ewan ko lang kung kaya niyo pa akong hanapin.

Ang mga grupo ng tao, kadalasan, nasa tapat ng mga bahay nila.  O nasa tindahan.  O nasa dyip.  Paulit-ulit na kwentuhang hindi nakakasawa gabi-gabi.  Haaayyy…

Minsan e kapag tinamaan ka ng malas e madadatnan ka pa ng ulan.  Ilabas na ang baraha!  Pekwa, pusoy-dos, ungguy-ungguyan, at ang pinakasikat-1-2-3 pass!  ‘Yan ang pampadagdag pawis sa katawan!  Kundi dahil sa brownout, hindi sana ako naging hustler sa sugal.

Ang pinakahasel na parte ng gabi-ang pagtulog.  Automatic ko nang kukunin ang pamaypay naming kulay brown para ipaypay sa sarili ko habang natutulog sa loob ng kulambo.  Dahil sa mabait ako, minsan e umaasta akong electric fan para mapaypayan ang mga katabi ko sa banig.  Swerte naman at minsan e may battery ang aming radyo at nakakapakinig ako ng mga sikat na programa sa AM stations.

“O kunin niyo na ‘yung kandila sa drawer.”

“Sa’n dito?”

“Nandyan lang! (medyo galit na)

“Wala eh…”

“E ‘di buksan mo ‘yung ilaw!”

“Wala pong ilaw…”

“O kunin niyo na ‘yung kandila sa drawer.”

-Tenco

53 comments

  1. alasais

    Tenco,

    Hahahaha! Bumalik din sa dating utos yung nanay mo e no? Hahaha! Sarap mo sikuhin sa ilong!

    Tem-i of Alasais

  2. jme

    tem-i, nung bata ako ang pagkaka-alam ko ang brown-out kapag nawalan ng kuryente sa umaga tapos kapag black out kapag nawalan ng kuryente sa gabi.. hehe

  3. jme

    tenco, ahead ka lang pala ng 1 year saken. nwei, nung panahon na to rin nauso ung maliit na de baterya na parang electricfan kasi may elisi tapos hinahawakan lang.. basta yun na un!

  4. atetin

    Ayos naman ang bagong bihis ng site nyo…swabe p rin s mata hehe. Kapag ‘lang kuryente at sinuwerte kami n bilog ang buwan ay nglalaro kami ng patintero. Kapag walang buwan ay taguan. Un tlga, talo ang duwag ksi madilim. Ang ang mga nanay nga ay nakabantay s labas ng bahay at nag-uupdate ng mga latest chismax. Ang mga tatay naman ay nglalabas ng gitara, baraha o beer (sayang ang beer, inumin na hangga’t malamig hahaha). at pag pagod k n kalalaro, madali k ng mkktulog non khit mainit.
    Ngyon, pag brown out, kami n ang nglalabas ng gitara at baraha. Kahit nga magkakuryente n ay tuloy p rin, parang walang nangyari hehe. Kunwari ay nasira n ang momentum s pag-aaral o kahit anong gngawa bago nwalan ng kuryente.
    San nga pala nanggaling ung term n brown out? Bakit un ung sinasabi kapag nawalan ng kuryente?

  5. batopik

    hahahahaha! natawa ako dun sa pa-oha-oha ni Tem-i sa pagdaan ng daliri sa apoy. LOL. Hakhak.

    Nakakabadtrep nga talaga pag bran awt. bwiset kase ang ineeeeeeeeeeeeeeeet!!! waaaaah!

    Nakalimutan nio ung gagawa ng mga anu-ano sa kamay para maging hayop ung anino. heheheh.. ung mga aso, eagle. hahaha! WALA LANG. ang babaw ko.

    Sa probinsya lang kami masyadong nakakatambay sa labas pag bran awt eh…sa bahay kapag bran awt wala tulog agad. boring. tinititigan ko na lang yung mata ng aso namin kasi nag-iiba ng kulai. asteg! parang lobo! hahahaha!!! try niu! parang mag-eevolve ung aso namin. hakhak.

    pero enjoy talaga pag bran awt…kapag madaming kalaro sa labas. tapos pag anjan na ulit ung kuryente, paunahan pa kami na hipan ung mga kandila o gasera habang nakanta ng happy birthday to yoooooooooouuuu!!! HAHAHAHAHA!!! =P

    ayan ang kwentong bran awt ko. LOL.

  6. batopik

    PS.
    Kilala niyo din si Manong Jerry Geronimo? Astig!!! Hahaha! Nanonood nun ung tatay ko tuwing linggo. Yung mga manukan at kung anu- anong pang agrikulturang pangkabuhayan. LOL. Badtrip nga kasi hindi ako nakakanood nun ng mga cartoons, eh tinutulugan lang naman niya yung Ating Alamin! Nasa ilalim pa ng unan nia yung remote. Badtrip talaga amp! Ayun lang.

    Oh diba wala namang kinalaman sa bran awt. hahahaha!!! =P

  7. grasi

    ay naku, naaalala ko pag branawt eh ang mga assignments ober the kandila. tapos pag tapos ka na saka naman magkaka-ilaw. bwiset.

    panay ang tawag ko sa napocor nun. may hotline sila at suki ako. oras na mawalan ng ilaw, tawag agad ako.

  8. eldrin

    ano nga ba pinagkaiba ng blackout at brownout?
    kapag brown ba yung dilim, brownout yun?
    sabi nung kapitbahay namin kapag daw blackout, madilim. kapag brownout, mainit?
    labo nga niya…
    at saka bakit hapon ang tawag sa mga taga meralco? requirement ba nila na kailangan japanese ang citizenship sa resume baka nila tanggapin?
    o baka mukhang pamputol ng wire ung sakang nilang paa?
    pasensya na po, nagtatanong lang..🙂

  9. mars

    pag may kuryente na, tapatan lahat sa kandila sabay kanta ngHAPIBERTDEY TO YOU. tapos hipan na…at saksak na ang tv

  10. alasais

    atetin,

    teka, matanong nga kay tikboy kung saan nanggaling ang brownout na ‘yan, para naman makapagparamdam siya rito.

    -tenco

  11. alasais

    batopik,

    ay oo! ang pagiging creative ng mga kamay para gumawa ng mga anino ng kung anu-ano! pinaka-common ang aso (labas dila) at ibon.

    -tenco

  12. alasais

    grasi,

    at talagang tumatawag ka parati? ‘wag muna, maghintay ka muna ng isang oras at maglalaro lang ako sa labas.

    -tenco

  13. linapuhan

    sa mga lugar lang na may kuryente ang pinepeste tuwing may brown out. sa amin, wla pa pakuryente nun (mga early 1990’s sa probinsya) kaya maaga kami natutulog. ayun tuloy, walo kaming magkakapatid.😀

  14. babyfatty

    nung bata pa ako madalas naming gawin eh yung gagawa ka ng mga korteng animal na gumagalaw sa pamamagitan ng kamay at pagaling pa yan at syempre hinde mawawala ang kwentuhan ng nakakatakot, yun naman ang hinde ko maintindihan magpahanggang ngayon mas trip nating magkwentuhan ng nakakatakot pag walang ilaw at syempre kunwari matapang tayong lahat at hinde natatakot. haha

  15. alasais

    Babyfatty,

    Korek ka diyan! Mga shadow puppets ang gimik naming magpipinsan non. Mulsa sa ibon hanggang kay Kokei, kaya naming gawin sa kamay. Hehehe…

    Tem-i of Alasais

  16. Tsutsay

    naisip ko lang nung bata ako pagBRAN AWT gumagawa kame ng parang malakingflash light pero lata lang..lata ng gatas na malaki tas lalagyan ng kandila sa loob pero nakahiga yung lata tas may tali sa gitna ng lata..sabay sabay kame maglalakad ng mga pinsan ko.magiikot sa bawat street.pagmay nadaanan na lumang bahay sabay magtatakbuhan yun pala may aso sa gate na bigla na lang tatahol e yung aso itim pa…sabi ng magbabalot masarap daw kumain ng balot pagbran awt?? (huh?) e yung pinsan ko kasama ko kumain ng balot inuulam pa tapos hinihimay yung sisiw sa tapat ng kandila tapos ung tuka ng sisiw susunugin sa kandila…kiss daw…kiss…

  17. alasais

    Tsutsay,

    Favorite ko ang balot kapag brownout…ay sandale…hanggang dito na lang ang komento ko…parang gusto ko magsulat tungkol sa balot e. Abangan nyo na lang…

    Nagmamahal,
    Tem-i of Alasais

  18. alasais

    Tsutsay,

    Haha ang ganda ng komento mo ah! Oo nga, ‘yung lata ginagawang plashlayt nung araw! ‘Yung sa akin nga binutas-butas ko ‘yung ilalim na parte (pwet) ng lata e, para may effect na kapag inilawan na🙂 At oo, masarap kumain ng balot ‘pag bran awt.

    Hahaha kiss daw kiss :))

    -Tenco

  19. Tsutsay

    Hi Tenco!

    oo nga no?.. nakalimutan ko yan ikwento yung may butas yung pwetan ng lata tas kokortehan na ng star minsan gamit yung pakong malaki..ehehe

    teka,masarap ba talaga kumain ng balot pag bran awt? nung bata lang ako kumakain ng balot ngayon di na. kasi ba naman di daw natutunaw yung hair nung sisiw sa tyan..takot naman ako..kaya yung yellow ng lang dun yung kinakain ko. minsan yung bato na tinatawag nila..pagtrip ko lang..malambot minsan eh…ehehe

    ikikiss ko na lang yung tuka ng sisiw kesa kainin ko sya..=D

  20. Tsutsay

    Tenco,

    ano ba meron sa balot at kailangan kainin sa dilim? teka..balot lang ba kinakain sa dilim? popcorn din di ba?

    Tsutsay

  21. alasais

    Tsutsay,

    Popcorn? Tama! Tadaan! One point ka dyan. ‘Di ba ang magkasintahan ay nagkakainan din sa dilim? Ooops, dapat yata sa ibang blog ‘to.🙂

    -Tenco

  22. hisnameisdencios

    da bes!
    ako?
    dahil sa brown out ay natuto akong magbasa sa dilim nuong bata at eto ako ngayon MALABO ang mga mata. lol

  23. alasais

    Dencios,

    Bilang batang kalye ay talagang dapat ata tayong matutong magbasa sa brownout. Sigurado akong kahit malabo ang mata mo ay napakalinaw neto sa dilim…hmmm…think about it.

    Tem-i of Alasais

  24. ImSTRANGE

    Pagbrown out, 1 hour bg0 ko palabasin ng nanay ko. Hahayaan nia kong pagpyestehan ng lamok sa loob kesa magpahangin ako sa labas. Pag awang awa na sakin nanay ko papalabasin na nya ko,eh di ako naman tong excitd at tumatalon pa sa saya. Pero isang beses d ko talaga mkalimtan, minuto pa lang ng paglabas, muntik pa nga kong matisod sa super saya ko, eh nak ng tinapa nagkailaw b naman.aun pasok ulit sa loob. Saklap n0h?!

  25. TunYing

    Kung brownout, hilig ko ung pipilas-pilasin ko yung lumang dyaryo o di kaya papel, maliit na maliit na punit. Tapos sisindihan ko sa kandila, tapos sabay tapon. Kaso ginawa ko yun dati, itinapon ko sa bintana yung papel na may apoy, di ko alam na may mga sinampay pala. Ayun, nasunog ko yung ilang pajama ng may-ari (kahera ng tyahin ko). Ang nangyari? Sinumbong ako sa tatay ko at presto! Pinalo ako! hehehe… (

  26. alasais

    Allan a.k.a. Tunying,

    Bwahahaha! Kahera ng tiyahin eh no? Talagang kahera ng tiyahin yung may-ari ng pajama eh no? Bwhahahaha!!! Haay Allan…

    Tem-i of Alasais

  27. alasais

    ELIment!

    Oy! Long time ah! San ka nanggaling? Namiss ka namin dito! Diba, talagang nangyayari sa mga batang kalye yun kada bran awt eh!

    Nice to hear/read from you again!

    Tem-i of Alasais

  28. Angee

    ako naalala ko nung nagbakasyon ako sa probinsya, nung nagkabrownout nagtago-taguan kami… takutan kasi nga madilim… ang hirap talaga maghanapan sa dilim…

  29. alasais

    Angee,

    Huwag gumamit ng mata kapag naghahanap sa dilim. Sina Tem-i at Tikboy mga magagaling maghanap sa dilim ‘yang mga ‘yan. Manya.. este matalas ang pang-amoy ng mga ‘yan.

    – Tenco

  30. alasais

    Ryan,

    Haha oo rechargeable lamp! haha! Galing nung nakaimbento nun. Umabot pa sa point na andaming mga extra features nung mga lamparang yan at nagpapasiklaban ang mga magkakapitbahay. Welcome to Alasais pare!

    Tem-i of Alasais

  31. Abu Sayad

    rechargeable lamp na mabilis mapundi yung ilaw badtrip… ako nung maliit pa ako, lumaki kasi ako sa lolo’t lola ko sa probinsya kaya mas maiging gamitin yung tinatawag na “petromax” brand name lang yan.. also known as paraffin lamps, de gaas yun tas sisindihan mo yung parang tela na mukhang bulb.. sabay may parang pump yun na maliit kelangan mo i pump un para lumiwanag yung pinaka bulb nya na umaapoy lol… at pwesto maliwanag na.. mas ok pa sa rechargeable lamp bwahahahaha.. astig din ang taguan at katatakutang kwento sa brownout.

  32. alasais

    Abu Sayad,

    Haha oo nga noh? Mabilis mapundi ‘yung ilaw sa mga rechargeable lamp. Mabilis maubos! Buti pa nga ‘yang Petromax na ‘yan, kahit parang simpleng lampara lang e ang liwanag!

    – Tenco

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s