V. Bimpo

Tadaan! We’re back! Nawa’y nagustuhan ninyo ang solo piece ni “Mr. Tuseran” Tikboy. Andito na ulit kami ni Tenco upang subukang agawin ang kasikatan kay Tikboy! Humanda ka Mr. Tuseran!

Bimpo ang ating topic ngayon. Binabanggit ko pa lang ang salitang ito ay umuulan na ng ala-ala sa 153 Calubaquib St., North Cemetery, Dajangas, Russia.

Pawisin akong bata. Iaangat ni Auntie Tasing ang aking sandong air-cool at pupunasan na ang aking likod gamit ang magaspang at tila na-almirol na bimpo niya. Dahil sa kakagamit sakin ng bimpo ay natutunan ko na itong mahalin at sinimulan na ding gamitin sa eskwelahan. Ang almirolled na bimpo ang gamit ko sa iskul no’n.

Sa umaga’y sipunin ako at bimpo ang kasagutan upang burahin ang umoonse kong ilong. Pagkatapos kong magpunas gamit ang matigas na bimpo ay magsisimula nang dumugo ang aking ilong dahil pinunit na ng matigas na bimpo ang chenchitib kong long-i na grabe din sa kaborgahan.

Nung medyo umabot na ako sa grade 6 ay natutunan ko namang magpaikot ng basang bimpo. Pagdating sa iskul ay derecho ako sa banyo upang basain ang bimpo sa gripo. Pipigain ito tapos ayan na, may spinning bimpo na ako na pwedeng ipampasikat sa aming top 1 sa klase, patunay na mas magaling ako sa aming star pupil dahil marunong ako magpaikot ng bimpo – pinapatalon ko pa!

Nalaman ko ang isang kahaselan ng bimpo nung ako ay hayskul na at may ka-date ako. Bago ang date namin ay nagdedecide ako kung panyo o bimpo ang aking gagamitin. Pagkatapos ng isa’t kalahating oras ay nanaig ang aking pagmamahal sa bimpo at yun ang ginamit ko. Nilalaro ko pa ito sa sasakyan at nang dumating kami sa sayawan ay binalak ko nang ipahinga muna si bimpo. Tinupi ko ito at tadaan! Napakalaki pala nito kapag tinupi! Nagmistulan akong may elephantiasis sa kanang bulsa at natural-mente, iniwan ako ng aking date at sumama siya sa putuking lalaki na nakapanyo.

At dahil don, ako ngayon ay single ngunit may nakasabit pa ding bimpo sa kaliwang balikat.

-Tem-i

Puta Tikboy nagparamdam ka! Pagpasensyahan niyo na ang pansamantalang pagkawala namin ni Tem-i, e gago ‘yang isa dyan parating nahihimlay pagkatapos mag-post eh! Let’s do this, uhm!!!

Bimpo — alanganing panyo, alanganing twalya. Talagang hindi mo alam kung ano talaga e. Twalya ka ba?!

Sa bawat mayaman o mahirap, pare-pareho lang ang amoy ng basang bimpo, pansin niyo ba? Basta maibabad lang ‘to sa tubig, nagkakaroon ito ng kakaibang amoy na sadyang dun lang sa moment na ‘yun mo maaamoy. “Amoy bimpo ka ah, hindi ka ba naligo?!”

Hindi uso sakin dati ang maligo bago pumasok sa eskwela. Pahirapan kasi ang pagpasok sa banyo kapag walang mainit na tubig. At ubos-oras pa kung magpapakulo ng tubig sa takure. E kung may bimpo ka, paaanurin lang ng nanay mo ang rumaragasang tubig dito at preeesto, instant telang basa!

Kulay flesh ang bimpo ko noon. Ito na yata ang default color noon e. Syempre kukunin na ni mama (o kung may katulong kame e siya ang gagawa) ang maliit na palanggana sa may kusina. Lalagyan niya ito ng tubig at isasawsaw ang bimpo bawat minuto habang ako ay parang malungkot ang mukha.

Habang hawak ng isa niyang kamay ang braso ko, ang buhok ko ang una niyang pupunasan. Pagkatapos ay ang mga braso at binti ko. Kadalasan e ‘yun lang ang pinupunasan (siguro dahil ‘yun lang ang parating nakalabas at madalas marumihan). Iba ang pakiramdam eh. Parang hindi ko alam kung tama bang hindi ako maligo, pero okay lang basta mukhang naligo!

Sino ba naman ang hindi nakaranas mapunasan ng bimpo kapag dinatnan ka ng lagnat? Konting sawsaw lang sa napakalamig na tubig, instant pagmamahal na ng magulang ang nararamdaman ko. Tats na tats talaga ako habang nakapatong ang nakatuping bimpo (1/2 crosswise) sa noo ko.

Magaling pala akong magpaikot ng bimpo sa daliri ko. Basain mo lang nang konti. Naging hobby ko ‘to nung 2nd year hayskul.

-Tenco

Ungas kayong dalawa huwag kayong bitter! E absent kayo e. Ako na ang mas sikat ngayon. Hindi na tayo pantay!

Hmm bimpo…Parang anak ng twalya yan e. Hindi ako masyado gumagamit neto e. Pwera na lang kapag nasa labahan lahat ng panyo o kaya gusto ko lang magpa-cool sa skul at magpa-ikot neto. Kapag may sipon kasi ako, ang hirap ipahid sa ilong e. Habang tumatagal hahapdi ilong mo dahil sa gaspang ng bimpo. Hindi pa masyadong nakaka-absorb ng sipon ang bimpo. Kapag pinampahid mo ‘to e nasa ibabaw lang ng bimpo ang sipon at medyo matagal bago ma-absorb ang sipon.

At tulad nga ng sinabi ni Tem-i, hindi mo pwedeng ibulsa ‘to dahil sa kapal kapag tinupi at magiging wapoys ang pantalon mo. Uumbok talaga ang bulsa mo at wala ka nang malalagay na iba.

Pinakagamit ang bimpo e kapag may sakit ako. ‘Yan ang pinampupunas sakin ng nanay ko. Syempre hindi ka pwede maligo kaya tamang ligong bimpo ka lang. Kukuha ng isang tabong tubig ang nanay ko at lalagyan ng konting alkohol at sabon. Konting halo tapos sabay lubog ang bimpo. Pipigain sabay punas na sa buong katawan ko. Pagkatapos niyan siguradong gagaan ang pakiramdam mo.

Syempre hindi mawawala ang pagpatong ng bimpo sa noo kapag maysakit. ‘Yan ang mag-aalis sa init na dulot ng lagnat sa katawan mo. Side A, side B ang paggamit sakin jan. Kapag mainit na ang isang side yung kabila naman. Pagtapos ng side B e didiskartehan pa ng nanay ko yan at babaligtarin ang tupi ng bimpo. Ilalabas niya yung side na nasa loob nung unang tupi. Parang side C, side D na rin. Tanggal ang lagnat.

-Tikboy