Q. 3 Oklak Habit

Heto ang oras nung kabataan ko na hinding hindi ko siguro makakalimutan kahit kailan.  Araw-araw, sa ginawa ng Diyos (tungkol sayo ‘tong blog na ‘to Papa Jesus), pagsapit ng alas tres ay maririnig ko ‘tong palabas na ‘to sa telebisyon namin.  Sino ang nanonood?  Sino pa ba kundi si Manang Pasing!  Kakatapos lang ng Agila, Mara Clara at Flames at siguradong naiwan nanaman ang labahin sa likod ng bahay.  Bababa ako pagkagaling sa peke kong tulog (kamot mata, kunwari’y pupungas-pungas), tapos ayun, maririnig ko na ang sikat na sikat na “3 OKLAK HABIT”:

(Ma-dramang background music)

“You died, Jesus, but the source of life flowed out for souls,

And the ocean of mercy opened up for the whole world…

O fountain of life…”  Hindi ko na itutuloy ito dahil sa mga nakaranas nito ay sigurado akong kabisado n’yo pa din hanggang ngayon ang dasal na ‘to.

Tuwing naririnig ko ang dasal na yan madaming tumatakbo sa aking isipan.  Heto ang ilan sa kanila:

1. Magkano kaya ang sweldo ng boses na yan?

2. Per hour ba ang bayad niya?

3. Anong dasal ang mas malakas?  Yung 3 Oklak Prayer o yung “Words of Our Lord to Blessed Sister Faustina?

4. Kelangan ba itong dasalin ng lahat ng artista sa Channel 2?

5. Ilang tao na kaya ang dumalaw sa 19 Spencer St., Cubao, Quezon City?

Haay…Busy na ako sa trabaho ngayon at syempre hindi ko na alam kung pinapalabas pa ‘to tuwing alas tres sa channel 2.  Pero tuwing alas tres nang hapon, hindi ko pa din matanggal sa isip ko ang itsura ni Papa Jesus na parang nag-iipon ng lakas para mag-haduken.

Pagkatapos ninyong basahin ‘tong blog na ‘to ay sabay sabay nating isigaw ang…

Jesus, King of Mercy, We Trust in You!

-Tem-i

Magandang senyales ang alas-3 ng hapon dahil isang oras nalang at pwede na akong lumabas.  Papayagan na ko ng katulong naming mas strikta pa kesa kay mama.  Hirap talaga akong makatulog sa hapon e.  Araw-araw ko nalang naririnig ang aking paboritong linya…

Holy God, Holy Mighty One, Holy Immortal One, have mercy on us and the whole world (repeat 3 times).

Gaganahan na ulit akong magpanggap na tulog.

Si Papa Jesus may hawak na walis-‘yan ang akala ko nung bata ako.  Masipag pala Siya kasi naglilinis Siya ng bahay Nila.  Hindi ko talaga ma-gets kung ano talaga yung gumagalaw-galaw na hawak niya.

Sa channel 9 ko unang nakita ang 3 O’clock Prayer (let us pray), pagkatapos na pagkatapos ng Annaluna (played by Margarita Fuentes).  Sa saliw ng nostalgic na background music, nirerecite ng ng mahiwagang boses (hindi ba si Kuya Cesar ‘yun?) ang bawat linya ng dasal na ito.  Mas recent na nga ‘yung version na may padugtong kay Blessed Sister Faustina eh.

Do an act of mercy.  Save lives.  Save souls.  Help build the Divine Mercy Charity Hospital and Information Center (naitayo nga ba ‘to?).

…

When I was sick, did you comfort me?

…

Words of our Lord to Blessed Sister Faustina:

“Souls who spread the honor of My mercy

I shield through their entire lives as a tender mother her infant

And at the hour of death

I will not be a Judge for them

But the Merciful Savior.”

Buhay pa kaya ang headquarters nila sa 803 Aurora Boulevard, Cubao?  O sa 19 Spencer St., Cubao, Quezon City?  Eh ang telephone numbers 722-8324 o 721-4350?

Ang yabang ko pa dati, dinasal ko ‘to nung recess namin para ipagmalaking kabisado ko ang buong dasal, napagalitan tuloy ako ng titser.  Ten o’clock pa lang kasi nun.

-Tenco

Nanonood kami ng telebisyon sa hapon, komersyal tapos bigla na lang lalabas si Papa Jesus.  Aaminin ko nung bata ako hindi ko masyadong gusto ang 3 o’clock habit na ito.  Syempre ang mas naiisip ko nun eh naisitorbo ang panonood ko at ‘yung mga magagandang channel eh puro ito ang pinapakita.

Ang iniisip ko, “Ba’t kaya hindi pa bilisan ng nagsasalita ang pagbasa niya sa dasal?”  Ang bagal eh tapos inuulit pa.

Tapos naiisip ko rin na “Bakit 3 o’clock ng hapon yang dasal?  Bakit hindi na lang sa umagang umaga o gabi para hindi na ako nanonood ng telebisyon?”

Hindi ko makakalimutan ang piktyur ni Papa Jesus na parang may power na pula sa kabilang side at puti naman sa kabila.  Parang gumagalaw-galaw pa ‘yung power niya na ‘yun eh.  Tapos sa huli ipapakita ‘yung address ng headquarters ng samahan nila.

Ang pinakamasaya sa 3 o’clock habit eh pagkatapos niyan ilang minuto na lang meryenda na!  Bibili na ang nanay ko ng mga tinapay sa bakery at coke.  Syempre ang mga bibilhin niyang tinapay eh pandekoko (maraming may gusto nito pero ayoko neto eh), spanish bread( palaging binibiro ang pangalan ng ispanis bread, panis na raw), cheese bread(tinapay lang na may kapiranggot na keso sa loob, tinipid talaga eh) at ang panderegla (pinakapasok na tawag sa tinapay sa history ng Pinas, parang napkin daw na may regla sa gitna, kadiri pero maraming may paborito ‘yan kasama na ang kuya ko).

Pagkatapos magmeryenda, syempre it’s “playtime”!  Ilabas na ang mga laruan at maglaro sa kalye.

-Tikboy

Mga Puna

  1. Anonimus ay nagsabi,

    Oktubre 16, 2008 Sa 11:13 hapon

    Kakatawa mga pinaggaga gawa at pinagtuturo ng mga prayle/pari :D

  2. alasais ay nagsabi,

    Oktubre 17, 2008 Sa 1:56 umaga

    Ay sinabi mo pa Anonimus…mga prayleng kamukha ni Subas Herrero…

    Tem-i of Alasais

  3. Edik ay nagsabi,

    Oktubre 17, 2008 Sa 2:38 umaga

    hahaha hindi lang ata ang channel 2 ang merong 3 oklak habit. meron din sa channel 9. ewan ko lang sa iba.

    oo nga ano? magkano kayang ang bayad ng voice over?

  4. alasais ay nagsabi,

    Oktubre 17, 2008 Sa 3:07 umaga

    Oo nga Edik, sabi nga ni Tenco, meron din sa channel 9…Hindi ko lang alam kung per hour ang bayad sa voice over kasi hindi naman umaabot ng isang oras ang 3Oklak Habit.

    Tem-i

  5. harutinmoako ay nagsabi,

    Oktubre 17, 2008 Sa 3:42 hapon

    napakagaling… idol

  6. alasais ay nagsabi,

    Oktubre 17, 2008 Sa 3:53 hapon

    harutinmoako,

    nominated ka nang presidente ng aming fans club.

    salamat sa’yo. keep reading our blogs. new ones come out every friday.

    -tenco

  7. Eldrin ay nagsabi,

    Oktubre 17, 2008 Sa 10:26 hapon

    wah! naabutan ko pa yung english version sa channel two.
    pero tagalog na ngayon.
    “puanaw ka Hesus, subalit ang bukal ng buhay ay dumaloy sa mga kaluluwa at ang karagatan ng awa ay bumugso para sa sanlibutan…”
    ganun pa rin si Jesus, may hawak pa ring magic balls…
    nag-iba na sila ng office…umasenso na siguro… sa tagal ba naman nila sa 3oclock habit na yan eh…
    nakakayuwa rin yung dasal…kasi pagkatapos nun, ibig sabihin pera o bayong na ng wowowee.. :)

  8. alasais ay nagsabi,

    Oktubre 17, 2008 Sa 10:36 hapon

    Eldrin,

    Ah talaga may tagalog na? Iba na talaga ang panahon ‘no? Hahaha magic balls!

    Tem-i of Alasais

  9. JONAS ay nagsabi,

    Oktubre 18, 2008 Sa 11:59 hapon

    yeah, alam na alam ko yang 3 o’clock habit since bat pa ko..pag nanunuood ako ng cartoons sa channel two…palagi kino-commercial yan!

  10. JONAS ay nagsabi,

    Oktubre 19, 2008 Sa 12:00 umaga

    naalala ko tuloy yung kabataan ko dati tuloy…hay!

  11. JONAS ay nagsabi,

    Oktubre 19, 2008 Sa 12:06 umaga

    meryenda namin nun kung di pandesal, banana-q. bumubili mama ko nun..coke! nakatira kami nun sa bahay ng tita ko…taga bicol kasi kami. pag bakasyon andun kami sa kanila..hay! dami sad memories din nun mga panahon na yun!

  12. JONAS ay nagsabi,

    Oktubre 19, 2008 Sa 12:07 umaga

    parang ako na lang gusto magsulat dito haha..

  13. JONAS ay nagsabi,

    Oktubre 19, 2008 Sa 12:07 umaga

    i believe in the irony of fate!

  14. alasais ay nagsabi,

    Oktubre 19, 2008 Sa 7:31 umaga

    jonas,

    aba medyo nagsenti ka ah: sad memories. tatlong spanish breads lang ang katapat niyan.

    -tenco

  15. cubi ay nagsabi,

    Oktubre 19, 2008 Sa 10:58 umaga

    bilang isang native ng cubao, OO, buhay pa ang hq nila sa spencer st. pero iba na ang telephone number.
    saulo ko ang 3 oclock prayer kasi required kami magdasal nung grade 5 bago mag-recess (at hindi ako katoliko).
    at tagalog na cya ngaun, sayang ano?

  16. alasais ay nagsabi,

    Oktubre 19, 2008 Sa 12:18 hapon

    cubi,

    hahaha, ‘yun talaga ang dilemma ‘pag hindi katoliko e noh? hindi ka rin ba pwedeng mag-stay sa klasrum habang umaattend ng mass ang mga kaklase mo?

    -tenco

  17. JONAS ay nagsabi,

    Oktubre 19, 2008 Sa 2:07 hapon

    mas masarap pandesal…pag mainit! tsaka coke! uso nun coke litro pa…masaya na malungkot…hayganun talaga!

  18. alasais ay nagsabi,

    Oktubre 19, 2008 Sa 6:38 hapon

    Jonas! Gusto ko sa pandesal e yung malutong pa talaga…isasawsaw ko sa gatas kondesnsada…at siyempre ang Coke litro e ipapalista ulit sa tindahan.

    Tem-i of Alasais

  19. Janis ay nagsabi,

    Oktubre 23, 2008 Sa 7:55 umaga

    Dear Tem-i, Tenco at Tikboy,

    Lumukso ang aking puso nang malaman kong may iba pang nakaaappreciate ng 3 oklak prayer bukod sa amin ng roommate ko. At aba, nagagalak ang puso ko na malamang buhay pa ang HQ nila sa Spencer St.

    Do an act of mercy! Save lives, save souls.

    Ipagpatuloy ang mabuting gawain! Yehey sa blog nyo! :)

  20. alasais ay nagsabi,

    Oktubre 23, 2008 Sa 3:42 hapon

    Janis,

    Hindi ka nag-iisa sa iyong pag-appreciate ng 3oklak prayer. Patuloy kaming maghahanap ng mga kasapi patungong Spencer St. upang halikan ang sahig ng isang nostalgic na institusyon.

    Pero baka wag na lang din.

    Keep enjoying our blogisodes! New ones come out every Friday!

    Tem-i of Alasais

  21. alasais ay nagsabi,

    Oktubre 23, 2008 Sa 4:56 hapon

    janis,

    “Do an act of mercy!” –> talagang may exclamation point e! Sabay-sabay: “We trust in you!”

    -tenco

  22. Delyong ay nagsabi,

    Oktubre 24, 2008 Sa 2:48 hapon

    Naku sa bahay namin pag a-las 3 na eh tahimik ang lahat. Ang bawat isa eh nkapikit ang mga mata o kung di man eh nkatingin sa telebisyong “black & white” at binabasa ang dasal.

    Ilang saglit lang… gaya ng karamihan.. “Merienda” time na!!! anjan ung mainit na pandesal na kung hindi “Reno” ang palaman ay home-made peanut butter. Kung mas may gana ang naghahanda eh kukuha ng 2 lata ng “Rodeo” corned beef. sabay gisa ng mabilis at “BWAHHLAAA” masarap na merienda at syempre COKE ang partner.

    Dito sa Mexico eh ni minsan ‘di ko pa narinig ang 3′Oklak habit… Malamang kaya wala dito eh malayo masyado ang Spencer St., Cubao, Quezon City :)

  23. alasais ay nagsabi,

    Oktubre 24, 2008 Sa 3:55 hapon

    Hahaha Delyong! Masarap talaga ang Reno at paborito ko yan! Kung walang reno ay Liberty kondensada ang gamit ni Auntie Tasing ko! So nasa Mexico ka pala? Ok yan a. May kilala din ako pero sa Mexico Pampanga lang…

    Tem-i of Alasais

  24. linapuhan ay nagsabi,

    Oktubre 30, 2008 Sa 7:57 hapon

    jaraaaan. huli man daw at magaling, may comment pa rin. ahehe. naiinis din ako dati sa3 o’clock prayer na yan. nakakaabala kasi sa pinapanood. forgive me papa jesus.

  25. alasais ay nagsabi,

    Oktubre 31, 2008 Sa 3:19 hapon

    linapuhan,

    hahahahaha!

    -tenco

  26. batopik ay nagsabi,

    Nobyembre 10, 2008 Sa 3:18 hapon

    haha. patapos na kakakoment.
    asus. di ko nga memorize yan.
    busy ako kakatulog.
    hehehehe.. =P

    pero alam ko lang yang dulo nian.
    Jesus, King of Mercy, We Trust in You!

    hakhak!!!

  27. alasais ay nagsabi,

    Nobyembre 11, 2008 Sa 3:36 hapon

    batopik,

    tamaaaaa!

    -tenco

  28. jhuvie ay nagsabi,

    Nobyembre 15, 2008 Sa 8:35 umaga

    haha.. ako rin kahit hindi katoliko kabisado ko yang prayer na yan… :) araw-araw ba naman sa panonood nung bata eh, isa rin ako sa hindi maktulog sa hapon.. haha! at tagalog na nga yun sa dos…

    minsan pag nasa mall ako, may 3 oklak habit din pala yung iba… nagulat na lang ako yung babaeng nagsasalita pag nape-paging eh nagdadasal na. yung mga sales lady biglang tatahimik sa pakikipagchismisan. pag nasa grocery nga ako biglang hihinto sa pagtutulak ng cart yung mga namimili. hehe..

  29. jhuvie ay nagsabi,

    Nobyembre 15, 2008 Sa 8:36 umaga

    haha.. ako rin kahit hindi katoliko kabisado ko yang prayer na yan… :) araw-araw ba naman sa panonood nung bata eh, isa rin ako sa hindi makatulog sa hapon.. haha! at tagalog na nga yun sa dos…

    minsan pag nasa mall ako, may 3 oklak habit din pala yung iba… nagulat na lang ako yung babaeng nagsasalita pag nape-paging eh nagdadasal na. yung mga sales lady biglang tatahimik sa pakikipagchismisan. pag nasa grocery nga ako biglang hihinto sa pagtutulak ng cart yung mga namimili. hehe..

  30. alasais ay nagsabi,

    Nobyembre 16, 2008 Sa 5:00 umaga

    jhuvie,

    hindi ko naexperience ‘yung sa mall ah… pati rin kaya ang mga snatcher eh titigil din sa pangungupit kapag alas-tres na ng hapon?

    -tenco

  31. donna ay nagsabi,

    Nobyembre 18, 2008 Sa 3:08 umaga

    amazing… andami pa lang commonalities… ganitong ganito kasi yung nangyayari tuwing hapon nung bata pa ako… lalo na yung “pandekoko, spanish bread at cheese bread”

  32. jhuvie ay nagsabi,

    Nobyembre 18, 2008 Sa 3:53 umaga

    haha.. kung ganun man mangyari, san ka makakakita ng mandurukot na magsa-sign of the cross muna… haha!

  33. alasais ay nagsabi,

    Nobyembre 19, 2008 Sa 2:40 hapon

    jhuvie,

    hahahahaha!

    -tenco

  34. alasais ay nagsabi,

    Nobyembre 19, 2008 Sa 2:40 hapon

    donna,

    alin sa mga tinapay na nabanggit mo ang piiiiinakamasarap?!

    -tenco

  35. ji ay nagsabi,

    Nobyembre 29, 2008 Sa 3:06 umaga

    haha! ayos to ah :) galing :)

  36. alasais ay nagsabi,

    Nobyembre 30, 2008 Sa 7:34 umaga

    Jew,

    Saya ba ha? Ha? Ha?

    Hahahahaha!

    Dami pa ‘yan!

    -Tenco

  37. shiels ay nagsabi,

    Disyembre 26, 2008 Sa 9:23 umaga

    ayus to :) kabisadong kabisado ko pa yung telephone number. mula umpisa hanggang dulo ng 3oclock habit kabisado ko pa rin..hahahah pati yung tono. ang saya ng blog nyo. ngayon lang ako napadaan. mukhang mapapadalas ako dito :)

  38. alasais ay nagsabi,

    Disyembre 26, 2008 Sa 2:37 hapon

    Shiels,

    Astig ng pangalan mo, parang foreigner.

    Pwedeng pamparelaks ang paggaya sa boses nito eh.

    - Tenco

  39. mishes ay nagsabi,

    Enero 31, 2009 Sa 3:52 hapon

    hmmm.. naalala ko nun bata ako lahat halos ng channel parang required na ipalabas tong 3oklak prayer.. kaya lang madalas hindi naman sila sabay sabay na pinapalabas.. siguro iba iba setting ng relo nila.. may late ng 30seconds, meron nman nauuna..hehe.. ngaun parang abs na lang ang nagpapalabas nito tapos tagalog na!

  40. alasais ay nagsabi,

    Pebrero 1, 2009 Sa 5:41 umaga

    Mhey,

    At talagang napansin mo ‘yun. Tingin ko sa channel 9 ‘yung pinakatama kasi may clock display sila parati e.

    - Tenco

  41. alasais ay nagsabi,

    Pebrero 1, 2009 Sa 10:31 umaga

    Mishes,

    Minsan nga ay Siluwet Quarenta ang pumapalit sa 3Oklak Habit na yan. Kakamiss yung boses nung nagdadasal na yun.

    Tem-i of Alasais

  42. mishes ay nagsabi,

    Pebrero 5, 2009 Sa 5:17 umaga

    @tem-i: un nagdadasal ba talaga yun namimiss mo or yun asa siluwet quarenta??? heheh.. joke lang po.. peace! :)

  43. alasais ay nagsabi,

    Pebrero 5, 2009 Sa 8:17 hapon

    Mishes,

    Hahahaha! Ssssshhhhh…wag kang maingay…nagdadasal ako….sssshhhh……

    (pabulong) Tem-i of Alasais

  44. TunYing ay nagsabi,

    Pebrero 11, 2009 Sa 7:50 umaga

    Noon akala ko patalastas lang ung 3′oclock habit na ito… Yun pala eh dasal na… Pero ewan ko kung naramdaman nyo pero sa tuwing ipapalabas ito, nalulungkot talaga ako! Para bang mahal na araw! hehehe…

  45. alasais ay nagsabi,

    Pebrero 11, 2009 Sa 3:03 hapon

    Allan,

    Ako medyo masaya kasi alam kong patapos na ang sleeping time.

    - Tenco

  46. lamesa ay nagsabi,

    Pebrero 15, 2009 Sa 2:12 umaga

    Nasaan ba yang 19 spencer st. Kung galing akong megamall pano pagpunta dyan?

  47. alasais ay nagsabi,

    Pebrero 17, 2009 Sa 6:33 hapon

    Lamesa,

    Taksihin mo na lang. Baka mahuli ka pa ng MMDA kasi pagdating sa Cubao, ibabaw man o ilalim eh binababa ka ng bus sa mga lugar na bawal. Taksi na lang. Sagot ko unang patak ng metro.

    Tem-i of Alasais

  48. Snowden ay nagsabi,

    Pebrero 28, 2009 Sa 9:24 hapon

    Tagal0g na nga siya ngay0n mas mabuti na rin dahil tayoy mga pin0y tay0y hindi kan0.wag kang mahihiya kung ang il0ng m0 ay may kulug0!

    Nga pala san ba itinira ni papa jesus yung haduken nya.talagang pinagmamasdan ko sa t.v yung paggalaw ng dalawang kulay na parang aura ni s0n g0k0u ang dating.hehe

  49. alasais ay nagsabi,

    Marso 1, 2009 Sa 9:40 umaga

    Snowden,

    Napanaginipan ko nga kagabi na hindi na siya naka-haduken. Naka-shoryuken na si Hesukristo habang naka-Sonic Boom si Mama Mary.

    Tem-i of Alasais

  50. alasais ay nagsabi,

    Marso 1, 2009 Sa 1:35 hapon

    Tem-i,

    Hahaha mockery ampucha.

    - Tenco

  51. alasais ay nagsabi,

    Marso 2, 2009 Sa 7:23 hapon

    Tenco,

    Hahahahaha! Baka mautot ka nanaman.

    Tem-i

  52. alasais ay nagsabi,

    Marso 3, 2009 Sa 10:51 umaga

    Tem-i,

    Hahahahahahaha! Hay, happy times ‘yun pare..

    - Tenco

  53. yanskee ay nagsabi,

    Abril 1, 2009 Sa 8:06 hapon

    kanino nga kaya un boses na un?? classic eh..

  54. alasais ay nagsabi,

    Abril 2, 2009 Sa 1:57 umaga

    Ryan,

    Daig pa niya ang bedroom voice. Bedroom and altar voice in one!

    Tem-i of Alasais

  55. balotlot ay nagsabi,

    Mayo 13, 2009 Sa 6:53 umaga

    guilty aq d2… memorized ko rin tlg ang
    dasal na 3o’clock habit na toh..

  56. alasais ay nagsabi,

    Mayo 13, 2009 Sa 8:09 hapon

    Balotlot Penoy,

    Kung memorize mo yan, malamang ay tumatakas ka din sa pagtulog sa tanghali! A-ha! Huli ka!

    Tem-i of Alasais

  57. kamil ay nagsabi,

    Mayo 30, 2009 Sa 9:54 umaga

    in fairness nkakamiss din yang 3 oklak habit ha.. sa araw2 ba nman ng gnwa ng Diyos eh mririnig mo yan tlgang khit sa panaginip keang kea ko irecite! haha

  58. jp ay nagsabi,

    Hunyo 19, 2009 Sa 9:21 umaga

    sobra akong natawa sa “hindi ko pa din matanggal sa isip ko ang itsura ni Papa Jesus na parang nag-iipon ng lakas para mag-haduken”.

    glad to have stumbled upon your blogsite. galing, mga chong!

  59. Abu Sayad ay nagsabi,

    Hulyo 8, 2009 Sa 9:02 umaga

    ahahahaha nagiipon ng haduken… myembro ng street fighter

Magpaskil ng Puna