D. Hatid Sundot, Sundo’t Hatid

Ligawan stage…haaay…wala nang sasarap pa sa buhay ng isang binatilyo kundi ang panahon ng ligawan. Noong panahon namin ay hindi pa uso ang text messages. Nung bandang huli na lang nagkaroon ng ganoong convenience sa pakikipagligawan. Actually, noong college na lang ata yon. Ngunit noong kami’y nasa hayskul pa lamang ay “old school” kabaduyan ang gamit namin. Actually, bago pa magsimula ang ligawan ay madami nang nangyayari sa utak ng isang binatilyo.

As early as 6 months before siya manligaw ay madami nang tumatakbo sa isip nyan. Ilang drafts na ng love letters ang nagawa at pinunit, Ilang rolyo ng tissue na ang nagamit pagkatapos ng paglalaro sa kanyang manoy para makaraos sa tindi ng tension at kalibugan na dinadala ng pagpapantasya sa wala pang kamuwang-muwang na dalagita. Ilang pimpols na din ang kanyang pinutok para lang tumubo ulit sa parehong lugar. Para sa impormasyon (“For your information” sa inggles) ninyong mga kababaihan, walang lalaki ang hindi dumaan sa katorpehan.  Pag may kilala kayong lalaki na nagsabing never siya natorpe sa babae, hampasin nyo agad ng bag sa mukha sapagkat siya ay nagsisinungaling at nagpapanggap lamang na cool at macho. Kahit si Aga Mulach man ay siguradong natorpe din nung siya ay binatilyo pa (haaay, Aga..).

Tsokolate – Shempre hindi mawawala yan. Pag natiis mong hindi bumili ng Ultraman na laruan sa ipon mong allowance ay maaari ka nang makabili ng desenteng tsokolate tulad ng Hershey’s kung gusto mo ng imported at kung going Pinoy ka naman ay Serg’s ang piliin.  Kung wala ka namang pera at hindi ka din marunong mangupit sa magulang mo, sorry ka na lang. May Tsoknat diyan kina Aling Susan, piso tatlo. Samahan mo pa ng pop rice, ayos na. Ewan ko lang kung makahalik ka.

Rosas – red kung mahal mo siya at white naman kung friends lang kayo. Tanginang yan may color coding pang nalalaman yung nagpauso niyan e! E kung plastic na lang kaya ibigay ko sayo ha?! Ha?! Ano ibig sabihin nun, sige nga?! (Pasensya na, na-carried away lang po..). Pero sa buong mundo ay eto ang common na ligawan tool – ang bulaklak, na siya nga naming nakakaaliw dahil “bulaklak” ang tawag natin sa hiyas ng babae (kung nakapagbasa ka na Abante o kaya Remate noong bata ka, eh siguradong alam mo ang ibig sabihin ng “hiyas”). Kaya minsan pumapasok sa isip ko na siguro kaya binibigyan ang babae ng bulaklak eh dahil gusto ng lalaki na ibigay naman ni babae ang bulaklak nya sa kanya? Ayos diba? Woohooo!!! Yebah!!!! Cowabunga!! (Sorry, na-carried away nanaman…)

There’s still sooo much to talk about the Filipino dating game – things like the long phone calls (telebabad), and not to mention the “you put the phone down first” lines – shet! Klasik! Puta dumaan tayo lahat diyan! Ang hindi ko maintindihan ay yung mga lalaking nagpapaalam pa sa babae kung “pwede ba manligaw?” Anak ng puta! Eh pano kung sinabi nyang “hinde.” Eh di na-zetlog ka na! Bobo! Ah basta..mahaba nato..Madami pang sasabihin sina Tenco at Tikboy kaya tuluy-tuloy lang ang pagbabasa.

O sige na, browse down na…no, you muna..no, you muna..O sige, sabay na lang tayo? One…two…three…proot! Utot nyo.

- Tem-i

Naku ligawan ba? Tulad ng sinabi ni Tem-i, lahat dumaan sa pagiging torpe. At ako na yata ang isa sa mga pinakatorpe. Noong bata pa ko shempre hindi ko inaamin na torpe ako kasi hindi ako magiging cool nun. Pero ang totoo, napakatorpe ko. Talagang dumaan ako sa pamimilit ng mga barkada ko na gumawa na ko ng move. Yung tipong tatlo na ‘yung humihila o tumutulak sa’yo para malapitan mo lang ‘yung crush mo o nililigawan mo. Halos lumuwag pa lalo ‘yung maluwag ko nang tshirt o masira ‘yung polo ko kakapilit sakin ng mga barkada ko. Ang palagi ko pang linya eh “Wag na tol! Nakakahiya…”. Sasabihin naman nila “’Wag ka nang matorpe baka may mauna pa sa’yo, kaw rin magsisisi”. Sagot ko naman “Sige tol mamaya, bwebwelo lang ako”. ‘Yan palagi ang ang sinasabi ko pero hindi ko naman talaga itutuloy, para lang tumigil sila sa kakapilit sakin hehe.

Stuffed Toy – ‘Yan talaga ang isa sa pinaka-klasik na binibigay ng manliligaw. Kadalasan binibigay ‘yang mga ‘yan ‘pag Christmas, Valentine’s o kaya bertdey ng babae at palagi ring teddy bear. Eh dati bobo pa naman tayo eh. Hindi natin naiisip na manligaw tayo sa panahong walang okasyon para makatipid at hindi na kelangan magregalo. Titipirin mo talaga ang baon mo para makapag-ipon. Kelangan mo palagi mag-baon at hindi ka na mag-sosoftdrinks at makiki-inom na lang sa coleman ng kaklase mo. Pero pag na-tyempo ng Christmas ang panliligaw mo, ok na budget mo. May panregalo ka na kasi may makukuha kang pamasko. Iisipin mo na lng kung anung stuffed toy ang gusto nya. At dito na papasok ang bespren ng babae.

Bestfriend – Kahit ganu kapanget ang muka at ugali nyan (swerte mo na lng kung maganda din), kelangan mo pa ring maging mabait sa kanya dahil kelangan mo sya (pero kadalasan talaga panget sya eh, joke lang hehe). Kaya ihanda mo na lahat ng pekeng ngiti sa kanya. Sa kanya mo malalaman ang halos lahat ng gusto ng nililigawan mo. Kung pwede nga eh semi-ligawan mo na rin ‘yan eh. Kahit minsan eh feeling nya kasing ganda at kasing sikat sya ng nililigawan mo kasi sya ang bespren eh. Kung anung meron ‘yung nililigawan mo meron din sya tulad ng suklay, cologne, pamaypay atbp. Dapat maging close ka sa kanya dahil sya ang magsasabi ng mga gusto ng nililigawan mo. Kelangan mong ipakita lahat ng kagandahan ng ugali mo dahil lahat ng makikita sa’yo ng bespren nya, malamang ikwekwento nya lahat ‘yan sa babae mo. Eto share ko lang. Napapansin ko lng dati eh ‘yung bespren pa ‘yung mas nagpapansin sa’yo na kala mo sya ung nililigawan. Kadalasan ganun ‘di ba? Pansin ko lang.

‘Yan lamang ang iba sa maraming pang kasama sa ligawan stage. Makikisali lang pala ako sa sinabi ni Tem-i tungkol sa telebabad. ‘Yung nagtuturuan kung sino unang magbababa ng telepono. Hahahaha klasik ampucha! Dumaan din talaga ako sa ganun eh. Pero tingin ko ‘pag nagturuan kayo, malamang may gusto din sa’yo ‘yung babae. Kaya good sign ‘yun hehe. Eto pa hindi mawawala ‘to. Malamang talaga i-leletering mo ‘yung pangalan ng nililigawan mo sa notebook, libro o kahit san mang papel. Minsan nga kasama pa pati apelyido. At sinusubukan mong palitan ang apelyido nya ng apelyido mo. Haha ang baduy!

- Tikboy

Tanginang ligawan ‘yan o. Talagang dun ko nakita ‘yung kung anu-anong kabaduyan e. Kanya-kanyang teknik talaga eh.

Actually hindi naman talaga ligawan ang nagyayari most of the time. Puro walang katapusang pagpapa-cute lang at pagpapanggap ang ginagawa ng mga feeling-poging lalake kapag may mga gusto silang maging syota. May maglalagay ng gel (na tigatlong piso, ‘yung may kulay puting logo ng ulo ng tao). Ako Suave ang gamit ko nun e, para shiny effect. tapos Ivory ‘yung sabon para mabango.

Nauso pa talaga ‘yung buhok na hinahati sa gitna eh. “Biakers” ang tawag samin don. Kapag pumunta ka sa barbero, sabihin mo lang, “bobcut po” at alam na niya na ang gupit mo e ‘yung may hati sa gitna at iiwanan ka ng bangs. May halong “undercut” na rin ‘yan, para paghagod mo sa buhok mo e makikita ‘yung inahit na bahaging nakatago. Tapos gagawin mo ‘yung move na ‘yun everytime na dadaanan mo ‘yung crush mo sa klasrum, or kahit habang nag-uusap kayo.

Lalake: (hagod buhok) Hi Anna. may assignment ba tayo sa math?

Babae: Meron.

Lalake: Peram naman ng notbuk mo o. (hagod buhok) Pakopya.

Patay na! Tumeknik na! May mga matatapang talagang hindi na dinadaan sa bespren ng babae ang pagpapapogi e. Saka usually naman e pangit ang bespren ng babae, baka mag-feeling pa na sila ‘yung nililigawan.

Stationery.
Papel at envelope na mabango. Ang sarap amuy-amuyin. Kahit gaano pa kapangit ang sulat ni lalake e pilit niyang pagagandahin para umakma sa pagiging presentable ng stationery. Susulatan niya ito ng mga mushy message na talagang nakakakilabot. ‘Yung ibang mga matatapang naman e talagang gagawa ng tula. Tula amputa.

Bukas na polo.
‘Yung kita ang sando. Para makita ni babae ang payat na katawan ni lalake. Mas machong tingnan kapag kagagaling lang niya sa paglalaro ng agawang beys tapos kapag pawis na pawis na eh dadaan-daanan niya ‘yung crush niyang nakaupo malapit sa pinaglalaruan niya para ipakita ang polong bukas. Swabe.

Notebook ni babae.
Syempre gagamiting excuse ang pagkopya ng notes or assignment. Tapos aamuyin pa na parang stationery ang dating.

Vandals sa CR ng lalake.
“Anna love Raymond” – tanginang ‘yan. ‘Yung pangalan pa talaga ng babae ang nauna e, parang siya pa ‘yung may crush sa lalake!

Suave. pabangong hiniram kay itay. Rubbermaid Comb. Big polo. High-cut boots.

Lalake: Classmates, am I correct?

Classmates: Yeees you aaaaaare!

Lalake: Who will be the next?… Anna.

Classmates: Yiiiiiiheeeee!!!!

Lalake: (iaabot ang chalk sa crush niya at hahagurin ang biakers na buhok)

- Tenco

Posted at 01:34 AM | Permalink

Comments

Islambuk (Slumbook)

Di pwedeng palagpasin ang usapang ligawan na hindi nababanggit ang tanginang islambuk na yan. Kadalasang pinagpapasahan sa school bus (service tawag namin dun – sumalangit kaluluwa mo, Mang Jude) habang papa-uwi na kayo. Shempre, kilig naman ang betlogs mo pag in-offer sa yo nung crush mo na sulatan ang slumbook nya. Ikaw naman, feeling macho, pa “hard-to-get” ka pa kukunin mo din naman. Corny ng puta! Pagdating mo naman sa kwarto, aamuy-amuyin mo yun at parang bading na uusyusohin yung mga sagot ng mga nauna sa yo. “What is Love?” , “What is your favorite movie?” Putsa, english pala ang mga tanong dito! Pagkakataon mo nang magpasikat na marunong ka ring mag-ingles! “Love is never having to say you’re sorry.” Langhiya, yun ang sinagot nung bespren niya eh. Tsaka parang sophisticated ang dating kaya yun na rin ang isasagot mo. Kamot ka pa ng ulo kasi, tangina – ano kaya ibig sabihin ng “never having to say you’re sorry”? Kumbaga, kahit na nasiko mo yung ilong niyang may hinog na pimple, huwag kang magsosorry kasi yun ang patunay na love mo nga siya? Yun na nga siguro yon! Ang bobo mo talaga.

Uusysuhin mo rin kung sino ang sinulat ng crush mo sa tanong na: “Who is your crush?” Sa isip isip mo lang, tangina, sana pangalan ko ang sinulat niya! Pero lagi kang barado dito kasi ang talagang crush niya ay si Johnny Depp at si Tom Cruise. Nampotah! Paano ka naman makaka-compete sa mga kumag na yan!

Yehey! Alam ko na! Biakers na hair-do also known as “Titi-Cut” kasi may hiwa sa gitna!

Posted by: Jay | December 20, 2006 04:44 PM

Hwekhekhekhek!! Tama si Jay, mga tol! Slambook..Slamdunk!

Mas appropriate kay Tenco yung term na “Titi-cut”!

Posted by: Blogerts | December 22, 2006 10:53 AM