14. Ang TV

4:30 na.  Ang TV na.  Doowadee-deedeedeedum-doobidoo.

Magkakasakit ata ako ngayon.  Giniginaw ako kahit tirik na tirik ang araw.  Pero hindi.  Kailangang pag-usapan ‘to.  Mahalaga ‘to sa mga batang kalye.  Hindi pwedeng humiga lang ako dito at hindi ipaliwanag kung bakit sumikat si Camille-liit at nalaos naman si Camille-laki.  Si Camille-laki, kung nakalimutan niyo na, ay yung nanay ni Paolo Contis sa isang segment ng “Esmyuskee.”

Isang hapon na lang ay biglang dumating ang mga artistang hindi kilala at bigla ding sumikat.  Nakatsamba ng palabas ang ABS-CBN sa Ang TV.  May “Ang TV Kids”, kung saan kabilang sina, Paolo Contis, Camille and John Pratts, Alfred, Tom Taus, Paula Peralejo at Boy2 Quizon.  Ang “Ang TV Teens” naman ay binubuo nina Jolina, Jan Marini, Rica Peralejo, Gio, Luigi and Guila Alvarez, Lindsay Custodio, Victor Neri at Toni Lambino.  Hindi ko alam kung saan ko ilalagay si Antoinette Taus dahil para siyang bata na dalaga, ewan ko ba.

Kasama din dito ang matatandang sina Joji Isla, Winnie Cordero at ang napakagandang si Joy Viado na mukhang bakal ang inaalmusal.

Sa aminin natin o sa hinde ay sumikat ‘tong palabas na ‘to.  Kinain niya ang mga kalaban sa ibang istasyon pagdating ng 4:30 nang hapon.  Inaliw tayo ng kanilang korny na jokes at mga song and dance numbers na talaga namang nagpaisip sa atin na mag-audition.

Andaming pinasikat ng show nato at kung iisipin mo, dati lang ay aliw na aliw ka sa mga jokes nina Rica Peralejo at Katya Santos…eh ngayon…hmmm…Hibla…Sex Drive…ayan na…lalagnatin na talaga ata ako…

Usually, kapag nanonood ako ng Ang TV no’n ay may pansit canton at tasty bread sa harap ko.  Suot ko pa ang panloob na sandong butas butas galing school at khaki na siyorts.  Susubukan kong sagutin ang mga jokes nila sa Esmyuskee at kapag nagkamali ay mangungulangot ako, pahid sa ilalim ng plato, sabay kurot sa tinapay.

Dati ay nagconcert ang cast ng Ang TV sa eskwelahan namin.  Nagwala ang mga estudyante nang makita nila ang mga idolong artista na naglakad sa may audience.  Habang nakatayo ako at tumitingin sa mga artista, nakita kong paparating si Claudine Barreto.  ”ang ganda naman niya”, sabi ko.  ”Syet, mukhang dadaan siya sa harap ko!”, bulong ko sa sarili ko – bulong na narinig ng dalawa kong kaklase mula pa sa kabilang dulo ng auditorium.  At hindi ako nagkamali.  Dadaan nga si Claudine sa harap ko.  Kinabahan ako nang kaunti dahil gusto kong magsalita at sabihin sa kanya na na-lab at pers sayt ako.  Dalawang hakbang na lang at nasa harap ko na siya.  Isang hakbang…

PROOOT!

Tangina umutot si Claudine!

Sigurado akong siya yun.

-Tem-i

“Anong oras na, pare?”

“1:30 na. Ang tv na!”

“Anong oras na, nay?”

“7:30 na. Ang tv na!”

Pucha yan dahil sa palabas na yan eh kapag nagtanong ka ng oras at nasaktong may “thirty”, hihiratan ka ng “Ang tv na!”. Pati ang pag-eexcuse me eh hinihiritan na rin ng esmyuskee.

“Tikboy taya! O kaw na taya ha kaya habulin muna kami.”

“Ay 4:30 na kaya Ang tv na! Tara nood na tayo.”

Nakatakas uli sa pagiging taya. Sino ba naman ang hindi uuwing bata sa paglalaro para manood ng palabas na ‘to?

Lindsay Custodio. Isa sa mga pinak-crush ko. Maputi, matangkad at parang siya lang nakapagpaganda sa kulot na buhok. At ang isa pang crush ko ay si Lailani. May nunal sa kanan niyang pisngi pero maganda pa rin. Mas gusto ko sila noon kaysa kay Rica Peralejo. Syempre sikat rin sa kanila ang mag-utol na Alvarez, Gio at Guila. Hindi ko lang alam kung tomboy ba ‘to si Guila eh. May itsura pa naman. Nandiyan rin ang sigang si Victor Neri. Parang siya ang astig sa kanila eh kaya naging action star rin pagtanda. Ang pelikulang “Utol” kasama si Mr. Cesar Montano.

Pagdating naman sa kantahan, ang palaging nakasalang eh si Jan Marini at Roselle Nava. Nalilito nga ako dati diyan sa dalawa kasi magkamukha eh. Ang palatandaan ko lang palagi eh kapag may nunal eh si Jan Marini yun. Sila lang palagi ang kumakanta. Pinagsasayaw na lang sina Claudine, Rica, Angelu at Katya.

Ang mga kids naman. Ang paborito ko talaga eh si Alfred. Itsura pa lang kasi nakakatawa na. Kulot, maputi at mataba. May mas nakakatawa pa bang kombinasyon diyan? Ang palagi pang karakter nila eh mga dungising bata. Nawala nga lang sa showbiz ‘tong si Alfred. Siguro kasi ngayong matanda na siya eh hindi na siya kyut. Sana hindi ka na lang tumanda, Alfred.

Kasama rin syempre si Paolo Contis at ang mag-utol na Pratts. Nandiyan rin ang kyut na kyut pa na si Vandolph. Pero ang isa pang nakakatawa eh yung batang egoy. Palaging may relasyon sa kulay niya ang joke sa kanya at kunwaring foreigner. Nasa showbiz na uli siya ngayon at kasama siya sa Betty La Fea. Pakisabi na lang sa’kin kung ano pangalan niya.

Ang mga gurang naman na sina Joji Isla (haha Joji Isla ampucha!), Winnie Cordero at Joy Viado ang palaging mga titser nila. Sila palagi ang asar-talo kina Alfred at kumukunot palagi ang noo. Minsan nagiging pulis rin si Joji Isla.

“Anong isda ang bumabaril?”

“Ano?”

“Eh di BANGus!”

Nyyyeeeeeee!!!!!!

- Tikboy

Paolo Contis:  4:30 na!  Ang TV naaahhh!

(Tutugtog na ang “Do Wah Diddy” by Manfred Mann)

Talagang bata pa si Paolo Contis dito e noh?  Akala ko e mahihirapang makakuha ng chiks ‘to paglaki e.  Si Patrick Garcia kasi ang pinakabinata ang dating sa batch nila.  Hahahaha, Alfred.  Ngayon ko lang talaga ulit naalala ‘to nung binanggit ni Tikboy e!  Ang tindi nga ng kombinasyon ng itsura niya, pampatawa talaga!  Payatot pa sina Victor Neri noon.  Si Gio Alvarez na yata ang pinaka may dating sa kanila.  At sa mga babae naman, si Lailani Navarro!  Pero talo ‘yan sa kras kong si Paula Peralejo.  Matindi ang tama ko sa kanya e.  Hay Paula…  tumaba ka na ba nang tuluyan?

Sakto lang ang timeslot na 4:30 para sa palabas na ‘to.  Ito kasi ang oras na gising na ang 98% ng mga bata sa Pilipinas galing sa pagkakatulog sa hapon.  Medyo naleleyt na rin akong lumabas noon dahil tinatapos ko pa ‘to.

Maliban sa mga nabanggit ko kanina, hindi lahat ng cast ay natatandaan ko.  Ang naalala ko pang nagsimula rito ay sina Sarah Geronimo, Claudine Barretto, Lindsay Custodio, Jan Marini, Roselle Nava, Angelu de Leon, Jolina Magdangal, Bodie Cruz, Luigi at Guila Alvarez, Tony Lambino, Christopher Roxas, Jao Mapa, Vandolph, Maybelyn dela Cruz, Antoinette Taus, Katya Santos, John at Camille Prats, at Ericka Fife.

Si Paolo Contis na siguro ang pinakamasiglang umarte sa mga bata.  Walang patay na sandali sa kanya e.  Matitindi ang facial expressions niya at parang hindi napapagod umarte.  Si Tony Lambino naman, taga-kanta lang.  Ipapares lang siya kay Roselle Nava at five to ten minutes ng palabas na ang kakainin ng song number sila, habang ang mga cast ay nakaupo at nakapalibot sa kanila.  Naaalala niyo ba ang “Payong Kaibigan” ni Jolina Magdangal?  Isa rin ‘to sa mga kumakain ng oras e.  Kaya dito ako nagtitimpla ng Milo at naghahanda ng mga holen kong ilalaban mamaya.

Nalipat ito sa 2:30 timeslot e, kaya medyo wala nang dating ‘yung, “2:30 na!  Ang TV naaaah!”  Mas nauna ko nga palang nalaman ‘to kesa MTV.  Hindi nagtagal, medyo kinatamaran ko na ‘tong panoorin, siguro dahil sanay na ko sa jokes nila at naisip ko pa noong ang tindi ng assignment ng mga writer nila kase mag-iisip sila ng jokes na ihihirit from Monday to Friday.

“…kung ‘di man kayo matawa sana’y ngumiti ka nalang…  Awwoooohh!”

- Tenco